Konu: Leyla İle Mecnun-Fuzûlî

Bir niçe zarîf-i hıtta-i Rûm
Rûmî ki dedük kaziyye malûm

Hem ilm feninde nükte-dânlar
Hem söz revişinde dür-feşânlar

Kim eyler idi dekâyık-i râz
Şeyhî’den ü Ahmedî’den âgâz

Kim söyler idi ögüp kelâmı
Evsâf-ı Halîli vü Nizâmî

Bilmişler idi ki hüsn-i güftâr
Kadrün kaderince mende hem var

Çün var idi mestlikde lâfum
Kim anlana sıtkum ü hilâfum

Men hasteni itdiler nişâne
Bir reng ile tîr-i imtihâna

Lutf ile didile ey suhan-senc
Fâş eyle cihâna bir nihan genc

Leylî Mecnun Acemde çohdur
Etrâkde ol fesâne yohdur

Takrîne getür bu dâstânı
Kıl tâze bu eski bûstânı



Şairin Adı : » Fuzûlî
Şiirin Ölçüsü : Aruz
Şiir Türü : Mesnevi
Kitabın Adı : » Leylâ vü Mecnûn