Jump to content

Gazel (Dād Müzdād Olmadı Sulṭān-ı Baḥr u Ber mi Yoḳ)


Renan
 Paylaş

Önerilen Mesajlar

Dād müzdād olmadı sulṭān-ı baḥr u ber mi yoḳ

Ḳuṭb-ı āfāḳı bu devrüñ noldı bir gözler mi yoḳ

Eyledi dār-ı cihānı eşḳiyā ḫayli ḫarāb

Başın alur ẓālimüñ ‘ālemde bir server mi yoḳ

Kūr mu noldı Ḥaleb Beglerbegisi hey dirīġ

Böyle bir ẓulm-ı ṣarīḥi bilmezem yoḳlar mı yoḳ

Kerbelāda ancaḳ olmışdur Ḥüseyne bu cefā

Derdümi sūz-ı dilümden hīç bir añlar mı yoḳ

İtdi meydān içre her bir ḳaḥbe-zen da‘vā-yı merd

Bu cihān ḫalḳı muḫanneṣ oldı yā bir er mi yoḳ

Re’y ü tedbīr eyleyüp ẓālimlerüñ al başını

Pādişāhum ṭurma emr eyle hemān ‘asker mi yoḳ

Ehl-i ẓulmüñ yanına ḳaldı şehā itdükleri

Yoḫsa maẓlūmuñ alur dādın şeh-i dāver mi yoḳ

Hep vilāyet gitdi elden yoḳ mı bir ḫāliṣ ḳulı

Pādişāhı çıḳmaġa eṭrāfa sevḳ eyler mi yoḳ

Çıḳmaz iseñ pādişāhum gitdi elden memleket

Bunı iẕ‘ān itmege bir āṣaf-ı ṣaf-der mi yoḳ

‘Azmini sulṭān-ı dehrüñ men ‘iden ẓālimlerüñ

Yoḫsa ‘ırḳın kesmege şemşīr ü yā ḫançer mi yoḳ

Her ṭarafda mülküñi aldurdılar ihmāl ile

Devlet-i şāh-ı cihānı ḥayf bir ister mi yoḳ

‘Asker-i İslām içinde neyki bunca iḫtilāl

Cān u dilden pādişāha yoḫsa bir çāker mi yoḳ

Mūrveş oldı re‘āyā pāymāl-i eşḳiyā

Gel Süleymānum yetiş gör ḥālini aġlar mı yoḳ

Hīç kimesne raḥm idüp feryādumuz gūş eylemez

Pādişāh-ı dehre bu aḥvāli bir söyler mi yoḳ

Bu Türābī derd-mendi ḳılmaġa ġamdan ḫalāṣ

Rehzen-i düşmen ‘Alī sīretlü bir Ḥayder mi yoḳ

 

 

 

Şairin Adı : » TÜRÂBÎ

Şiirin Ölçüsü : Aruz

Şiir Türü : Genel

Kitabın Adı : » EREĞLİLİ TÜRÂBÎ DİVANÇESİ

Yorum bağlantısı
Diğer sitelerde paylaş

Sohbete katıl

Şimdi mesaj yollayabilir ve daha sonra kayıt olabilirsiniz. Hesabınız varsa, şimdi giriş yaparak hesabınızla gönderebilirsiniz.

Misafir
Bu konuyu yanıtla...

×   Farklı formatta bir yazı yapıştırdınız.   Lütfen formatı silmek için buraya tıklayınız

  Only 75 emoji are allowed.

×   Bağlantınız otomatik olarak gömülü hale getirilmiştir..   Bunun yerine bağlantı şeklinde gösterilsin mi?

×   Önceki içeriğiniz geri yüklendi.   Düzenleyiciyi temizle

×   You cannot paste images directly. Upload or insert images from URL.

 Paylaş

×
×
  • Yeni Oluştur...